Impasigurado ti Philippine National Police (PNP) a nakalatagen dagiti addang da, pakairamanan ti strikto a panagpatrolya ken panangusar ti teknolohiya, tapno lapdan ti posible a panag-adu ti kaso ti panagtakawan gapo iti agtultuloy a panagngato ti presyo dagiti kangrunaan a magatang.
Segun kenni PNP Chief General Jose Melencio Nartatez Jr., agsagsaganan ti kapulisan para ti worst-case scenario nu kasta ket mapagtalinaed ti kinakapia ti komunidad.
Kas sungbat ti pakaseknan ti publiko, pinapigsa ti PNP iti foot & mobile patrols da kadagiti high-risk areas kas kadagiti merkado publiko, transport terminals, ken commercial districts.
Nangidatag da payen ti random checkpoints kadagiti estratehiko a lokasyon ken pinainget ti mobile patrols nu peak hours.
Adda metten ti koordinasyon kadagiti lokal a gobierno ken lider dagiti babbaranggay tapno mapasayaat ti panagbantay ken panagtignay nu maipapan ti ground level.
Impasigurado ti PNP a kontrolado iti sitwasyon ken aktibo dagiti preventive measures da kasaruno ti panawagan iti panagkaykaysa manipud iti publiko.
