Suportaran ti Philippine National Police (PNP) iti plano a panangiruar ti reward money para iti dagus a pannakaarestar kenni sigud nga Ako Bicol Partylist Representative Zaldy Co.
Segun kenni acting PNP chief Lieutenant General Jose Melencio Nartatez Jr., agtultuloy iti panakikoordinar da kadagiti nadumaduma nga ahensia kas iti Department of Interior and Local Government (DILG) ken ti Office of the President para iti pannakaurnos iti pannaka-arestar ni Co.
Agaramid da pay nga umuna ti pormal a rekomendasion iti reward scheme ken nakapamaysada iti panangarestar iti sigud a manmanday-linteg.
Ti nasao a reward ket makatulong iti komunidad tapno itudo iti lokasion ni Co.#
