LA UNION -Mamati iti Philippine National Police PRO – 11 a maarestar da ita nga aldaw iti aglem-lemmeng a pugante a pastor a ni Apollo Quiboloy ken dagiti kakadwa na nga akusado.
Segun kenni PBGen. Nicolas Torre III, agtultuloy ti panagsapol da iti uneg ti KOJC compound gaputa pattien da nga adda iti uneg ti aglem-lemmeng a pastor.
Nagpanawagan pay daytoy kenni Quiboloy a sumukon ken saan a parigaten dagiti supporters ken fallowers daytoy.
Iti agdama ket bantay sarado ti pulisya iti aglawlaw ti compound bayat ti panangiserbi da ti warrant of arrest kontra kadagiti akusado.
Kinuna pay ti heneral a nakapya ti panaggaraw da iti uneg ti compound ti KOJC.
