BR LA UNION – Kiniddaw ni Pope Francis kadagiti deboto nga itultuloy nga ikararagan isuna.
Daytoy ti impatulod na a mensahe iti tradisyonal nga Angelus prayer idiay Vatican.
Iti nagsaruno a dua a lawas ket saanen a nakadar-ay ti Sto Papa iti nasao a panagkararag, agsipudta agtultuloy ti panag-palaing na iti Gemelli Hosptial idiay Roma.
Saanna met a nalipatan ti agyaman kadagiti doctors ken health workers iti ospital, ken kadagiti well-wishers a nagpatulod ti mensahe.
Sipud naiturong iti ospital ti 88-anyos a Santo Papa ket nangisayangkat metten ti vigil dagiti deboto.
Immuna nga imbaga dagiti doctor na a kasapolan ti Santo Papa ti blood transfusions gaputi nababa a platelet count na nga adda pakainaiganna iti anemia.
Malaksid dayta, kasapolan ti “high flow” ti oxygen gaputa marigatan nga umanges.
Maipalagip nga idi Pebrero 14 ket naiturong iti ospital ti Santo Papa gaputi bronchitis, kimmaru ken nagbalin a pneumonia a nakaapektaran ti dua a bara na.
