BR LA UNION – Agtultuloy a sumay-sayaat iti kasasaad ti salun-at ni Pope Francis.
Segun iti Vatican, makang-angesen ti Sto Papa nga uray awanen ti tulong ti oxygen.
Kinissayan metten ti 88-anyos iti panagusar ti oxygen mask kada aldaw.
Iti nagmalem idi kalman, binusbos ti Sto Papa ti panawenna iti physiotherapy, panagkararag, panaginana ken sumagmamano a nalag-an a trabaho na.
Maipalagip nga idi Pebero 14, naiturong idiay Gemelli Hospital iti Santo Papa gaputi pneumonia ti dua a bara na.
Idi Domingo ket nangiruar ti Vatican ti kaunaan a ladawan ti Sto Papa sipud naospital.
Pinagyamanan ti Santo Papa dagiti agtultuloy a mangikar-kararag para iti napartak a panagimbag na.
