BR LA UNION – Agtultuloy ti panagsayaat iti kasasaad ti salun-at ni Pope Francis iti pananglaban ti sakit a pneumonia.
Segun iti Vatican, naaddaan ti improvement iti kidney ti Sto Papa.
Nupay awanen ti problema daytoy ti panaganges na, agtultuloy latta met nga adda iti abay na ti supply ti oxygen.
Nakasarita payen dagiti staff ti Vatican iti Santo Papa ken normal metten ti pannangan na.
Daytoyen ti maika-13 nga aldaw a panagtalinaed ti 88-anyos nga Argentinian Pope iti ospital, kapautan iti uneg ti 12 a tawen na a panag-akem kas Santo Papa.
Ginasut a tattao met ti agtultuloy a mangisaysayangkat ti prayer vigil sadiay St. Peter’s Square tapno kararagan ti madagdagos na a panagimbag.
