LA UNION – Nakaragsakan ni Pope Francis iti panagresponde ti Israel iti ceasefire idiay Lebanon.
Iti linawas nga Angelus prayer idiay Vatican, mangnamnama a naan-anayen a magun-od ti pudpudno a kinakapya ti amin a benneg.
Kinuna na a maiparbeng ti cease fire idiay Gaza agsipudta umad-adu dagiti mairam-raman a sibilyan.
Maipalagip a namin-adu a daras a nagpanawagan iti Santo Papa ti kinakapya kadagiti lugar nga adda mapas-pasamak a riribok, kas koma idiay Israel, Ukraine, Russia ken Lebanon.
