Agtaltalinaed ni Presidente Ferdinand Marcos Junior ti takderna kontra iti impeachment ni Bise Presidente Sara Duterte.
Sungbat daitoy ti Malakanyang iti saludsod a no adda epekto ti peace rally ti Iglesia ni Cristo iti pammati ti Presidente a saan a rumbeng a mai-impeach ni VP Sara.
Segun kenni Executive Secretary Lucas Bersamin, saan a nagbaliw ti takder ni PBBM iti daytoy nga addang ti Kamara.
Maipalagip a linapdan ni Presidente Marcos ti impeachment attempt kontra iti bise presidente ket kinunana a sayang laeng ti panawen ti panangikkat kenni Duterte iti puestona.
Kinunana a saan nga agbaliw ti biag dagiti Pilipino no ma-impeach ti bise presidente ken ad-adu pay dagiti napatpateg a banag a masapul nga aramiden para kadagiti umili.
