Dumanonen ti agingga 80.27% ti voter turnout a nailista ti Catholic Church-affiliated citizen’s arm a Parish Pastoral Council for Responsible Voting (PPCRV) iti kalkalpas laeng a May 12 2025 elections.
Ibilbilang met daitoy iti nasao a grupo kas napintas a turnout, nangruna ta agparparang a ngimmato ti bilang dagiti botante manipud Mindanaokas maibasar ti monitoring ti PPCRV.
Idi 2022 presidential elections, dimmanon ti agingga 83% ti turnout dagiti botante wenno nangatngato ti agarop tallo a porsyento.
Inlawlawag ni PPCRV national communications director Ana Singson, kadawyan a naidumduma ti voter turnout ti baetan ti general ken midterm elections. Kunana a nagbalin nga interesado dagiti botante ng agbotos ken daitoy ket napintas a senyales ti panangipateg kadagiti karbengan da ken responsibilidad.
Impadamag pay ti grupo ti nasapa a panagruar dagiti botante tapno makipila a saan a kas kadagiti naglabas nga adu dagiti pinili nga agbotos iti malem.
