Inrekomendar ti Parish Pastoral Council for Responsible Voting (PPCRV) a maisubli ti 25% iti shading threshold kadagiti balota.
Segun kenni PPCRV Spokesperson Ana De Villa Singson, nababa unay ti 15% shading threshold nga impatungpal ti Commission on Elections (Comelec) ita a midterm election.
KAsarunodaitoy iti adu a reklamo ken alegasyon a nakadanon kenkuada mainaig kadagiti mismatches ti balota nu dasig kadagiti resibo ken uray ti overvoting gapo kadagiti babassit a marka nga imbasa dagiti makina.
Inlawlawag met ni Singson nga epektibo la unay nu 15% laeng iti shading thershold nu sadino ket posible a mabasa a talaga nga uray pay dagiti kabassitan a marka iti balota; namaymayat la kunanan nu maisubli ti 25% iti threshold a nausar idi tawen 2022.
Agtalek met iti PPCRV a makita iti maaramid a random manual audit nu accurate iti resulta panagbobotos manipud kadagiti nasao a makina.
