BR LA UNION – Matuloy iti isayangkat a prayer vigil ken freedom march idiay kabisera ti Amsterdam, Netherlands tapno ipanawagan iti dismissal wenno panangibasura ti kaso kontra kenni sigud a President Rodrigo Duterte iti International Criminal Court (ICC).
Kinumpirma daytoy ni sigud a presidential spokesman Atty. Harry Roque iti live video broadcast.
Kinuna na a mangrugi iti aktibidad inton Setyembre 19 agarop alas-5:00 ti malem idiay Amsterdam a pakaisayangkatan ti prayer vigil.
Inton Setyembre a-20, maisayangkat ti maysa a freedom march tapno ipanawagan iti naan-anay a panangibasura iti kaso ti sigud a presidente.
Bayat nga inton Setyembre 21, maisayangkat ti maysa a panel discussion ken fellowship.
Dagiti nakalinya a panagu-ummong ket inorganisa ti DDS Maisug iti tengnga dagiti nakapenpen a panagdengngeg iti kumpirmasyon dagiti reklamo kontra iti sigud a presidente kalpasan nga intantan ti ICC kasaruno iti kiddaw ti depensa gaputi isyu ti salun-at ti 80 anyos a sigud a presidente.
