Nangipatulod iti Philippine Red Cross (PRC) ti Humanitarian Caravan nga agturong ditoy probinsya ti La Union ken kadagiti kabangibang a lugar, kas sungbat iti epekto ken perdisyon nga imbati ni Bagyong Emong.
Innem a units iti naipatulod pakairamanan iti service vehicle, ambulance, ERU truck, food truck, water tanker, ken relief truck.
Pakabuklan a 14 personnel iti karaman iti operasyon ken adda ti bukod a trabaho ti tunggal maysa partikular iti assessment, medical support, ken panangipaay.
Imet ti relief truck dagiti 350 food packs para iti La Union ken 300 para idiay Alaminos.
Iti food truck ket addaan ti recharging equipment bayat nga iti ERU truck ket addaan ti tower light para kadagiti night operations.
Segun kenni PRC Chairman Richard Gordon, iti caravan ket simbolo ti napartak a panagtignay, namnama, ken panangisakit.
Kabayatanna, rabii a nagbyahe iti caravan ken tugot dagiti taraon, danom, silaw, ken dara para iti madagdagos a tulong kadagiti naduprak ken apektado ti naglabas a bagyo.#
