LA UNION – Aprubado ni Presidente Ferdinand Marcos Jr. iti plano dagiti mammanday linteg a sukimaten dagiti flood control projects ti gobyerno kasaruno iti nalawa a panaglayos a ginubway ti napalabas a Severe Tropical Storm Kristine.
Iti maysa nga ambush interview idi kalman, Nobyembre 4, idiay Laurel, Batangas, imbaga ni President Marcos a ti flood control projects ti pagilian ket ”overwhelmed” babaen iti aglab-labes a buyat ti tudo, a saan pay a napasamak iti pakasaritaan ti pagilian.
Impaganetget ti Presidente a nasken nga amirisen iti dua a banag, a malaksid iti pondo nga inusar iti nasao a proyekto, kasapolan a maawatan iti siyensiya, a ti kinapudno ket nagbaliwen ti panawen, gapwanan ti makunkuna a climate change.
