BR LA UNION – Imballaag ni President Ferdinand Marcos Jr. a saan na nga aprubaran iti gakat a 2026 national budget, a saan a naka-base iti development goals ti gobyerno para kadagiti Pilipino.
Imbaga ti Presidente a saan nga agbaliw iti posisyon na iti nasao nga isyu, nga uray kaipapanan daytoy iti panagusar ti reenacted budget iti pagilian iti sumaruno a tawen.
Aganay PhP6.7 trillion iti proposed National Expenditure Program (NEP) ti gobyerno, para inton tawen 2026.
Inaramid ti Chief Executive iti nasao a ballaag kabayatan ti maikapat a SONA idi kalman, kalpasan a nakita na iti palpak a pannakaipatungpal dagiti flood control projects kalpasan ti insayangkat na a personal inspection kadagiti lugar a nakaru a naapektaran iti layos gaputi epekto ti habagat ken napalabas a bagyo crising, dante, ken emong.
