LA UNION – Nainget ti panag-monitor ni President Ferdinand Marcos Jr., iti sitwasyon ken epekto ti Bagyo Julian bayat ti panagduprak na iti sumagmamano a lugar iti Northern Luzon.
Iti ambush interview idiay Tarlac, imbaga ti Presidente a naka-preposition itan dagiti maibunong a tulong para kadagiti umili a nakaru a maap-apektaran iti panagduprak ti bagyo.
Istorya ti Presidente, agturong koma isuna idiay Ilocos idi Domingo ngem saan a natuloy gaputi dakes a kasasaad ti panawen.
Gaputi dayta, pagan-annadenna ti publiko ken nagbalakad nga agridam nangruna kadagiti residente iti lugar a dumalanan ti bagyo Julian.
Siniguro ti Presidente a nakabantay amin a concerned agencies tapno rumesponde ti kasapolan a tulong dagiti umili.
