BR LA UNION – Kinarit ni Presidente Ferdinand Marcos Jr. iti China seknan iti US Typhon missiles nga adda ditoy Pilipinas.
Imbaga ni President Marcos nga isardeng ti China iti panangtagikua iti teritoryo ti Pilipinas, panagusar ti laser ken water cannon, ken panang-harass kadagiti mangngalap, coast guard, ken navy ti Pilipinas, panang-dungpar kadagiti lugan pangbaybay ti pagilian, tapno ikkatenna iti missile system ti Estados Unidos ditoy pagilian.
Iti waragawag ti Presidente ket kasaruno iti panawagan ti China nga i-pull out wenno ikkaten iti nasao a missile system ti US, nga orihinal nga adda idiay Laoag, ngem naiyakar iti sabali a lokasyon iti Luzon.
Segun iti Presidente, saanna a maawatan nu apay a kuwestiyunaran ti China iti Typhon missile system, idinto a saan met a bibiangan ti Pilipinas iti Chinese missles, nga amang a napigpigsa nu ikumpara iti iggem ti Pilipinas.
Imbaga ti Presidente, basta isardeng China iti agresyon ken delikado nga aramid iti rehiyon, dagus nga isubli ti Pilipinas iti US iti Typhon missiles daytoy.
