BR LA UNION – Nainget a pinalagipan ni President Ferdinand Marcos Jr. dagiti baro a promoted a kameng ti Philippine National Police (PNP) a nasken nga unaen a kanayon ti pudno.
Iti indaulwanna nga oath-taking ceremony dagiti 39 Star-Ranked Officers, imbaga ti Presidente a nasken nga ipatungpal ti trabaho da a napanuan dedikasyon, integridad ken responsibilidad.
Kas opisyal kunana ket napateg nga agbalin a nasayaat nga ehemplo iti intero nga organisasyon.
Iti udi ket rinaem ti Chief Exectuive iti dedikasyon dagiti pulis iti trabaho dagitoy.
Dagiti 39 ket buklen iti uppat a Police Lieutenant Generals, 11 Police Major Generals ken 24 a Police Brigadier Generals.
Kabilang dagiti nagsapata ket isuda: PNP Deputy Chief for Administration PLGen Jose Melencio Nartatez, Chief of the Directorial Staff PLGen. Edgar Alan Okubo, Western Mindanao Area Commander PLGen. Bernard Banac, PNP-CIDG Chief PMGen. Nicholas Torre III ken PNP Spokesperson PBGen. Jean Fajardo.
Iti panagbetla na, pinalagipan ti Presidente dagiti baro a promote a heneral iti PNP a kabuy-buyog iti pannakaingato ti ranggo iti kanayunan a responsibilidad.
Kasapolan kunana iti posisyon dagitoy iti kangatuan a tukad ti moral, propesyunalismo ken panang-respeto iti karbengan-pantao iti amin nga oras.
Bilin pay ti Commander-in-Chief, kanayon nga isapuso iti sinapataan a pagrebbengan iti Republika, iti panagbalin a napudno ken awan panagdudua a salakniban ti Konstitusyon.
