Nagpakdaar ni President Joe Biden idi Biyernes nga iti lubong ket sumreken iti dakkel a panagbalbaliw political kabayatan ti panagsubli ti posisyon ni Donald Trump.
Daitoy ti waragawag ni Biden iti final meeting ti APEC summit kakadwa da Japanese Prime Minister Shigeru Ishiba ken South Korean President Yoon Suk Yeol.
Napagsasaritaan dagiti tallo a lider ti trilateral partnership, nu sadino ket papigsaen pay ni Biden iti panagkontra iti pangta ti North Korea ken ti lumawlawa nga impluwensya ti China.
Nangipamatmat ni Biden iti kumpiyansa a ti U.S.-Japan-South Korea alliance ket makaibtur iti laksid kadagitoy a panagbalbaliw political.
Inyanunsyo pay dagiti lider iti pannakabukel ti Secretariat tapno agbalin a pormal ken agtultuloy iti alyansa da.
Kabayatanna, kinuna ni National Security Advisor Jake Sullivan a daitoy nga alyansa ket makaibtur ket agtultuloy uray pay kadagiti sumarsaruno nga administrasyon ti Estados Unidos, karaman iti maika-dua a panag-akem ni Tump iti kina-Presidente.
