BR LA UNION – Binabalaw ni President Ferdinand Marcos Jr. iti kampo dagiti Duterte iti mismo a balwarte dagitoy idiay Davao.
Iti political rally ti Alyansa Para sa Bagong Pilipinas idiay Carmen, Davao del Norte, dinillaw ni President Marcos iti waragawag ni sigud a Presidente Rodrigo Duterte a ‘patayen laengen dagiti 15 a senador tapno makastrek ti team da.
Segun kenni Pres. Marcos, nakakas-kasdaaw nga adda iti tattao a maymaysa laeng ti mapam-panunot da a solusyon iti amin a banag, ket daytoy ti pumatay.
Immuna ti daytoy, dinakamat ni sigud a Presidente Duterte iti nasao a statement kabayatan ti proclamation rally ti bunggoy da idiay Club Filipino, San Juan City idi Huwebes, Pebrero 13, 2025.
Nagturong met idiay Davao iti Alyansa Para sa Bagong Pilipinas wenno administration slate kas paset ti campaign sortie dagitoy.
