LA UNION – Impadamag ni President Ferdinand Marcos Jr., a natalged ken accounted ti amin a 17 a Pinoy seafarers nga agtaltalinaed iti kustodiya ti Houti rebels.
Daytoy ket kasaruno iti inaramid a panagraut ti Israel iti port of Hodeidah idiay Yemen a nakatayan ti innem a tattao.
Segun iti Israeli Defense Forces iti air raid nga inaramid da iti pantalan ti Yemen ket bales da iti Houthi nga immuna a rimmaut nakatayan ti maysa a tao.
Immuna a nagpatulod ti report iti Presidente iti embahada ti Pilipinas idiay Riyadh.
Siniguro met ni President Marcos kadagiti cabagyan ken ipat-pateg iti biag dagiti 17 Pinoy seafarers a saan nga agbay-bay-a ti gobyerno ket aramidenna amin kabaelan tapno maisubli da ditoy pagilian.
Makikaysa ti Pilipinas iti panawagan ti dadduma a pagilian para iti napaspas a resolusyon seknan iti agtultuloy a conflict idiay Middle East region.
Dagiti 17 Filipino seafarers ket kabilang iti 25 crew members ti MV Galaxy Leader, a pakairamanan dagiti Bulgarians, Mexicans ken Ukrainians, a hinostage dagiti Houthi rebels, dandanin siyam a bulan ti napalabas sipud na-hijacked ti nagluganan da a barko nga aglay-layag idiay Red Sea.
Mangisay-sayangkat ti panagraut dagiti Houthis kadagiti barko nga aglabas idiay Red Sea ken Gulf of Aden sipud idi Nobyembre napalabas a tawen, kas pannaki-simpatiya kadagiti Palestino gaputi inyuswat a gubat ti Israel kontra Hamas idiay Gaza.
