Binigbig ni Presidente Ferdinand Marcos Jr. ti madagdagos a kasapulan a maisubli ti Reserve Officers’ Training Corps wenno ROTC.
Kinuna ni Majority Leader Francis Tolentino, daitoy ket maysa kadagiti top priority measures a maipasa ti Senado.
Segun kenni Tolentino, iti mandatory ROTC ket mangsagana kadagiti estudyante,saan aeng para iti gubat nu di ket para pay iti kakastoy a kalamidad.
Pakabuklan daitoy ti basic military, leadership ken civic training kasta met iti enhanced preparedness kadagiti disaster response operations.
Kinunana a naaprobatranen iti singsing idiay House of Representatives, bayat nga adda paylaeng iti interpolasyon ti biang ti Senado.
Idi nabiit ket kinuna ni Senate President Francis Escudero nga iti Senate Bill 2034 wenno Mandatory ROTC Bill ket maysa kadagiti walo a prayoridad nu itultuloy ti Kongreso ti sesyon da inton Nobiembre 4.
Kinuna met ni Tolentino a dagiti bilang ti enrollees ti ROTC ket immado kadagiti sumagmamano a pagadalan, agraman kadagiti Catholic schools.
Kasta met nga dagiti unibersidad kadagiti probinsya ket nagkedkeden a mangawat kadagiti ROTC enrollees gapo iti high volume of interest.
Kabayatanna, ti Armed Forces of the Philippines ti agbalin nga ahensya ti gobierno a mangimaton ti implementasyon ti ROTC.
Malaksid iti ROTC, dinakamat pay ni Escudero dagiti dadduma a priority bills a nakapasan para iti maikadua a pannakabasa:
Senate Bill 2821 weno Amendments to the Right of Way Act;
Senate Bill 2826 wenno Mining Fiscal Regime;
Senate Bill 2771 weno National Water Resources Management Act;
Senate Bill 2781 weno E-Governance Act;
Senate Bill 2699 weno Konektadong Pinoy Bill,
Senate Bill 2474 weno Unified System of Separation,
Retirement and Pension of Military and Uniformed Personnel; ken
Senate Bill 2267 weno Waste-to-Energy Bill.
