Laksid ti kinalakay ti dua nga kumandidato para kina-Presidente ti Estados Unidos, kampante iti dua nga saan nga agserbi nga karit ti tawen da apaman mangabak kas presidente iti agdama nga kapigsaan nga pagilian ti intero nga lubong.
Iti agdama ket agtawen-78 iti sigud nga presidente ti Estados Unidos nga ni Donald Trump idinto nga agtawen met iti 81 iti agdama nga nakatugaw a ni Joe Biden; ti dua iti kalakayan iti pakasaritaan ti Estado nga kummandidato kas Presidente.
Bayat iti debate, nagdinnamag iti dua mainaig ti tawen ken salun-at da ken iti agbalin nga epekto daitoy apaman a mangabak.
Sungbat ni Trump, awan iti pakadanagan ti salun-at na agsipud ta regular isuna a mangisaysayangkat iti cognitive test ken impannakel na pay nga iti maudi nga dua nga tests na ket nakagun-od daitoy iti nangato nga marka; kinarit na pay ti agdama nga Presidente a dumalan iti isu metlaeng nga cognitive exams.
Kasta met nga impannakkel ni President Joe Biden dagiti naaramid na iti mano nga dekada nan nga agserserbi iti gobierno ti Estados Unidos.
Nilagip na ti pannakapangabak na kas Senador ti tawen laeng nga tallopulo – iti nadakamat nga awen ket maysa ni Biden kadagiti kaubingan a Senador ti Estados Unidos, maysa tawen a deperensya laeng iti kaubingan nga ni Henry Clay ti tawen nga 29.
Kinuna ni Biden a nupay naub-ubing isuna kenni Trump ti tallo tawen, agtaltalinaed latta nga ‘less competent’ ti sigud a Presidente ngem isuna.
Saan pay ditoy a nagleppas ti debate iti dua mainaig iti tawen, nagkinnarit da pay nga agay-ayam lattan iti golf!
Karit ni Biden kenni Trump, nakasagana isuna nga labanan ni Trump iti golf nu kabaelan na pay nga bagkaten dagiti golf bag na.
Sinungbatan met daitoy ni Trump nga saan a rumbeng nga aggalad dagitoy kas ubbing.
