LA UNION – Immapela ti kararag iti publiko ti Police Regional Office 1 ti dagus nga panagimbag da PNP Chief Gen. Archie Gamboa ken uppat a sabsabali kalpasan a nagsuwek ti nagluganan dagitoy a Bell 429 helicopter idiay San Pedro, Laguna idi bigat kalman.
Iti pannakiuman ti Bombo Radyo La Union kenni PLt. Col. Mary Crystal Peralta, regional information officer ti PRO 1, kiniddaw na a kadauen ida nga agkararag para iti napartak a panagimbag dagiti nasao nga opisyal ti PNP.
Karaman da M/Gen. Joevic Ramos, M/Gen. Mariel Magaway, B/Gen. Bernard Banac; dagiti piloto nga isuda Lt. Col. Zalatar, Lt Col. Macawili; Sr. M/Sgt Estona ken ti aide de camp ni Gamboa a ni Capt. Gayramara a nakalugan iti nasao a helicopter.
Immunan a kinuna ni Dr. Elvis Bedia, presidente ti Unihealth Southwoods Hospital idiay Binan, Laguna a ni Directorate for Comptrollership Major General Jovic Ramos nga agtaltalinaed iti nasao a pagagasan agsipudta daytoy ti addaan ti kakaruan nga sugat a naaddaan ti fracture iti rupa ken kasapolan nga maoperaan.
