Awan pay ti impadanon a komunikasyon wenno diaya ti Estados Unidos ditoy Pilipinas a mangipasdek kadagiti storage facilities ken pasilidad para kadagiti produksyon ti armas iti militar da.
Segun kenni Palace Press Officer Claire Castro, nasaysayaat nu mailatag nga umuna kenni Presidente Ferdinand Marcos Jr. ti plano ti US Congress sakbay a makaipaay ti komento wenno desisyon para ti posible a panangipasdek kadagiti nasao a pasilidad ditoy pagilian.
Nupay kasta, kinuna ni Castro a nasken a kanayon a maiyannurot iti Presidente dagiti addang a pagsyaatan ti Pilipinas ken pakaseknan dagiti Pilipino.
Maibsar ti report manipud US House Committee on Appropriations idi Hunyo, binilin ti US Department of Defense (DOD) ken Department of State and the International Development Finance Corporation a nga adalen dagiti posibilidad para ti maysa a joint ammunition manufacturing and storage facility iti sadiay US Naval Base, Subic, Zambales.
Immuna metten a nangiwaragawag ti panagbalin a silulukat ni Defense Sec. Gilbert Teodoro ngem inlawlawag na nga awan pay ti naaw-awat a pormal a singasing manipud met ti biang ti Estados Unidos.
