Nagtitipon dagiti protesters asideg ti White House tapno kondenaren dagiti strikes ti Estados Unidos ken impaganetget a saan da a kalkalikaguman a sumrek iti pagilian iti kabaruan a gubat.
Segun ti maysa nga Iranian-American citizen, saan a kayat dagiti Amerikano dagiti strikes, ken maladingitan isuna kadagiti ubbing a nairaman iti panagbomba ti puersa ti Israel ken America idiay Iran.
Immunan a kenuna dagiti opisial ti Iran a dosena dagiti estudyante a natay iti strike ti maysa a pagadalan dagiti babbai.
Iggem dagiti protesters dagiti neon green signs a nakalanadan ti “Stop the war on Iran!” ken “No new US war in the Middle East,” karaman dagiti bandera ti Palestine ken ti dakkel a banner a nakaikabilan ti preamble ti Constitution.
Iti kapada a protesta ket naisayangkat met idiay New York City ken ipukpukkaw da ti “We reject his fascist plan, no war with Iran.”
Iggem dagiti protesters sadiay dagiti signs ken banners a mangibagbaga nga “Stop the War in Iran,” “Trump must Go”, ken dadduma pay a mensahe a mangkonkontra iti gubat.
Kabayatanna, magagaran met ti maysa nga Iranian attorney idiay Los Angeles kadagiti strikes ken kenuna a nakasaganan dagiti umili para ti panagbalbaliw ti rehimen.
“When is the last time you saw people in Israel and Iran dancing on the streets in excitement?”
“When is the last time you’ve ever heard of a country coming out and dancing because they’re excited that foreign powers are attacking them?” segun kenni Kazerouni.###
[Reference: CNN]
