Dakkel pay a bilang iti populasyon ti kamaten iti Philippine Statistics Authority para iti panagparehistro iti National ID ditoy Ilocos Region.
Iti pannakiuman iti Bombo Radyo La Union kenni PSA Region 1 Director Atty. Sheila De Guzman, kinunana nga agingga pay iti tawen 2022 ti target da a panangparehistro kadagiti residente para iti National ID.
Maibasar iti datos, 4,042,436 ti target iti PSA ditoy Ilocos Region para iti Phase 1 iti National ID Registration no sadinno 104% wenno pakaibatugan daytoy iti 798,000 nga indibidwal ti average iti tallo a probinsya ti nalpasen para iti registration.
Ditoy La Union, adda ti target ita a tawen a 509,519 iti populasyon a mairehistro iti National ID bayat a dumanon met iti 264, 863 dagiti nalpasen a nakarehistro.
Mangnamnama ni Atty. De Guzman a maileppas da ita a tawen nga iparehistro dagiti residente ti rehiyon para iti National ID agsipudta napaspas da a naileppas idi napalabas a tawen dagiti nakarehistron para iti phase 1.
Tuloy-tuloy ita ti proseso iti panagparehistro iti phase 1 iti national id ditoy Ilocos Region kalpasan a temporaryo a nagsardeng daytoy idi Disyembre 30.
Immunan a kinumpirmaran iti PSA nga iti 3 nga steps iti panagparehistro iti national ID ket adda pay laeng iti Step 1 ti Ilocos Region, kayat na satwen ket mannarimaan pay laeng ti pannakaala kadagiti residente ti demographic information dagitoy kas iti person’s full name, date of birth, place birth, blood type, address, Filipino or resident alien, marital status (optional), mobile number and email address ken ti maikadwa inggana maikatlo nga step ket pakairamanan iti two biometric information which includes front-facing photograph, full set of fingerprints and iris scan.
