BR LA UNION – Inako ken nagkiddaw ti dispensar ni Department of Migrant Workers (DMW) Secretary Hans Leo Cacdac iti pamilya ti Overseas Filipino Worker a natay gaputi coal suffocation idiay Kuwait, gaputi biddut a naiyawid a bangkay.
Personal a nagturong ni Overseas Workers Welfare Administration (OWWA) administrator Arnell Ignacio iti pamilya ti OFW a ni Jenny Alvarado idiay Rizal idi Lunes tapno siguradwen a maiyawid ti pudno a bangkay na ditoy pagilian.
Immuna a kinumpirma ti Department of Foreign Affairs (DFA) a bangkay ti sabali wenno Nepalese ti simmangpet ditoy pagilian, imbes a bangkay ni Alvarado.
Ni Alvarado ket maipagarop a natay iti coal suffocation wenno nasabidongan ti asok manipud iti heating system iti pagtrab-trabahuan na idiay Kuwait idi Enero 2.
Malaksid kenni Alvarado, dua pay a katrabahuan na, iti Napalese ken Sri Lankan, ti natay iti nasao nga insidente.
Simmangpat iti nasao a bangkay ditoy pagilian idi Enero 10, 2025 ngem nadiskubre ti pamilya na, a saan nga isuti cabagyan da a ni Alvarado.
Manamnama a maiyawid ti bangkay ti OFW inton bigat.
