Pinasingkedan ti Bureau of Immigration (BI) ti pannakaarestar ti kankanagan ti maysa a nalatak a South Korean actor.
Segun iti BI, inarestar dagiti personnel ti fugitive search unit ti uneg ti Clark Freeport Zone ti maysa a Koreano nga agnagan iti Lee Minho.
Adda ti mission order kontra iti 37-anyos a lalaki kalpasan a makaawat ti impormasyon ti BI a wanted gayam daitoy idiay South Korea.
Ni Lee Minho ket sumangsango iti reklamo a Special Bodily Injury ken addaan pay ti aktibo nga Interpol Red Notice manipud pay idi Oktubre.
Kabayatanna, malaksid iti South Korean national, uppat pay a sabali nga pugante ti inarestar ti BI daitoy napalabas a lawas.
Kinuna ni BI Commissioner Joel Viado nga awan ti lugar ti Pilipinas dagiti gangganaet a pugante isu ket madagdagos iti deportation dagitoy, maikabil da pay iti black list ken tungpal biag a maiparit a sumrek ditoy Pilipinas.
