BR LA UNION – Kinumpirma ita ti gobyerno ti Timor-Leste a nakatuding a mapasubli ditoy Pilipinas iti napatakyas a kongresista a ni Arnolfo Teves Jr.
Segun iti Timor-Leste government, iti presensiya ni Teves ket mangipak-pakita a seryoso ken saan a maiparbeng a sitwasyon.
Daytoy kunada iti mangdadael ti bilateral relations iti baetan ti Pilipinas ken Timor-Leste.
Naaddaan ti saan a napintas nga imahe iti Timor-Leste agsipudta maipagarop a pagkam-kamangan dagiti indibiduwal a manglib-libas iti sangalubongan a hustisiya, banag a mangperdi iti integridad da kadagiti borders ken iti pananglaban da iti transnational crimes.
Ti panagdesisyon ti gobierno ti Timor-Leste a pag-subliyen ni Teves ditoy Pilipinas ket administratibo a wagas ti Ministry of Interior-da gaputa awan ti umno a legal nga authorization ni Teves kalpasan a nakanselar ti pasaportena.
Innayon ti gobierno ti Timor-Leste a gapu iti krimen nga inaramid ni Teves ditoy Pilipinas ket maipariten daytoy a sumrek iti pagilianda iti uneg ti 10 a tawen maibasar iti lintegda a migration ken asylum law.
Kabayatanna, nakasagana iti Philippine National Police (PNP) a tulungan iti Department of Justice (DOJ) nu naan-anay a mapasubli ditoy pagilian ni sigud a Negros Oriental 3rd District Congressman Arnulfo Teves Jr.
Segun kenni PNP Chief PGen. Rommel Francisco Marbil, nakalukat ti custodial facility ti PNP National Headquarters ingkaso a sadiay iti pakaiturongan ni Teves nu mapasubli ditoy pagilian.
