BR LA UNION – Kinaswan ti two counts a first-degree murder ti Los Angeles County prosecutors ni Nick Reiner, 32-anyos, anak ti sikat a direktor a ni Rob Reiner ken asawa na a ni Michele Singer Reiner, seknan iti brutal a pammapatay iti agassawa iti mismo a pagtaengan da idiay Brentwood idi Disyembre 14.
Segun iti piskalya, kabilang iti kaso nga special circumstances, ti panagusar ti natadem nga armas ken pammapatay ti dua a tattao, a mabalin nga agresulta iti tungapal biag a pnnakaibalud nga awan ti parole wenno death penalty, ngem saan pay a pinal a desisyon nu kiddawen ti prosekusyon ti dusa a patay.
Maipalagip a natayen ti agassawa idi masarakan dagitoy ken nagsagaba da ti adu a bagsol ti bagi.
Maipagarop a ni Nick laeng ti adda iti nasao a balay isunga daytoy ti dagus nga inarestar dagiti otoridad.
Nakabalud ita ken saanna mabalin ti agpiyansa bayat a maur-uray ti pormal a panagusig.
Ti nasao a pasamak ket nang-dayyeg iti Hollywood ken iti publiko.
Nalatak ken beterano a direktor ni Rob Reiner, ken isuna ti nangaramid kadagiti pelikula a ”When Harry Met Sally” ken ”The Princess Bride,” bayat a ti asawa na a ni Michele ket maysa a photographer ken aktibo iti adbokasiya.
