Impakdaar ni Philippine National Police (PNP) Chief General Nicolas Torre III kadagiti pulis a bumagsak ti Marksmanship test a maibabawi ti paltog da, nu ketdi ket masukatan daitoy iti buneng.
Segun kenni Torre, dagiti pulis a saan a pasado ti proficiency standards iti pinnaltog ket mababawi ti service firearm da ken masukatan ti buneng apaman a kumapoy iti performance da. Kinunana a siguraduen na a nalaing a pumaltog ti tunggal kameng ti linteg ken mapadas amin a hanay – manipud kadagiti nangangato nga opisyal agingga kadagiti patrolman.
Innayon na a perma na laengen ti kurang iti procurement dagiti kanayunan a bala nga usaren dagiti pulis iti panagensayo sakbay ti mismo a Marksmanship Test inton bulan ti Hulyo.
