LA UNION – Naiprisenta ti natiliw a Kingdom of Jesus Christ (KOJC) leader a ni Pastor Apollo Quiboloy kas detainee kabayatan ti press conference idiay Kampo Krame idiay Quezon City ita nga aldaw (September 9).
Iti panangidaulo ni Department of Interior and Local Government (DILG) Secretary Benjamin Abalos kadwana da PNP Chief Rommel Marbil ken PRO-11 Director Nicolas Torre, imprisinta da iti media ni Quiboloy, agraman dagiti padana nga akusado nga isuda Jackielyn Roy, Ingrid Canada, Cresente Canada, ken Sylvia Cemañes, kalpasan a tiniliw dagiti otoridad idi Setyembre 8 idiay KOJC compoiund idiay Davao City.
Ni Quiboloy ket dagiti uppat a kakadwa na ket naisango iti media, ngem nagpaut laeng ti nakurang a maysa minuto ti presentasyon iti grupo ni Quiboloy ken saan da a napalubosan a pagsalodsodan dagiti kameng ti media, isunga naisubli met laeng dagitoy ti maysa a kwarto.
Nailadawan da Quiboloy a nabalkot ti bagi da ngem nakasuot ti orange detainee shirt dagiti akusado ngem uppat kadakuada kabilang ni Quiboloy, ket naka suot ti nangisit ti a jacket.
Arigna saan a makita iti rupa ti kontrobersyal a pastor agsipudta nakasuot daytoy ti nangisit a sunglass ken suot latta iti black cap a nagmarka ti agila, iti kapada a kallugong a suot na idi natiliw idi Domingo.
