Personal a nagturong ita nga aldaw ti Biyernes, Oktubre 23, ni Davao City 1st District Representative Paolo “Pulong” Duterte iti Office of the City Prosecutor idiay Davao City tapnu mangidatag ti libel complaint kontra kadagiti sumagmamano a journalists ken media executives.
Karaman kadagiti respondent isuda NBI Director Melvin Matibag, Rodulfo Gracioso Jr., Felipe Gozon, Gilberto Duavit Jr., Mel Tiangco, Vicky Morales, Emil Sumangil, Darlene Cay, Marvin Parado, ken Joel San Luis, kasta metten dagiti dadduma a John ken Jane Does.
Mainaig iti reklamo ti alegasyon ni Gracioso a nangitulod isuna dagiti maleta a maipagarop a naglaon ti kwarta para iti pamilya Duterte, a kinedkedan met ti kampo ti pamilya.
Immunan a kinuwestiyon ni Vice President Sara Duterte iti GMA News gapu iti maipagarop a saan a panagberipika kadagiti waragawag ni Gracioso.
Kinuna met ti Bise Presidente a saan a pammaneknek ti personal a relasyon wenno ilegal nga aramid dagiti pampubliko a ladawan da ni Gracioso.
