Adda itan iti kustodiya ti pulisya ti maibilang a rank number 6 most wanted person iti ili a Naguilian kalpasan a maarestar daytoy idiay Barangay Lingsat, syudad ti San Fernando, La Union.
Nabigbig ti akusado a ni Noli Dopredo, 42-anyos, residente iti Barangay Lioac, Naguilian.
Base iti report manipud ti CIDG La Union, naaresto ti akusado babaen ti warrant of arrest nga inyatnag ti korte gapu iti sangsanguen daytoy a kaso nga acts of lasiviousness ken umabot iti P80,000 ti naituding a piyansa para ti temporrayo a pannakaruk-at daytoy.
Maisango met iti pangukuman ti akusado kalpasan a maaramid iti booking proccess.
