Naimplementar ti liderato ti Philippine National Police (PNP) ti balasahan kasaruno ti panangrugi ti election period.
Nagbalinen a tradision ti PNP ti panangi-shuffle manen kadagiti police officers da pakairamanan dagiti regional ken city police directors tunggal eleksion.
Segun kenni Interior and Local Government Secretary Juanito Victor Remulla, idi Enero 8, 2025, nangrugi ti pannakaiyakar dagiti rinibu a pulis kadagiti nadumaduma a kampo ti PNP iti intero a pagilian.
Karaman kadagiti naiyakar ket dagiti polis nga addaan kabagian a tumaray iti eleksion.
Dagiti na-shuffle manen ket manipud regional police directors iti Region III, Region VII, Region IX ken ti hepe ti Highway Patrol Group (HPG).
