Impadamag ti Department of Justice nga ipatpatungpal ti Philippine Coast Guard iti implementasyon ti ‘recovery period’ kadagiti technical divers idiay Taal Lake kabayatan ti panagtultuloy ti search and retrieval operations.
Segun kenni Justice Assistant Secretary ken Spokesperson Mico Clavano, addaan ti ‘cycle’ a sursuruten dagiti divers tapno makarekobre iti bagida kasaruno ti panagusarda kadagiti ‘decompression machines’ tapno mapapartak iti operasyon.
Iti nasao nga addang ken kasaruno dagiti reports nga agsaksakit dagiti technical drivers gaputi narugit a danom ken awan ti ‘oxygen’ iti uneg ti dan-aw. Napaay da met a makakita iti uneg ti danom gapo ta saan a madanon iti ranyag ti init.
Kabayatanna, nakumpirma iti pakabuklan a bilang a 355 human bones a narekobre idiay Taal Lake ken manamnama a manayunan pay. Manipud iti nasurok uppat a gasut a rurog, uppat a pulo ket innem dagiti saan a tulang ti tao wenno ‘non-human fragments’.
Inaklon na pay a napaay met iti Philippine National Police Forensic Group a masigurado iti bilang no mano a bagi ti tao iti narekobre.###
