LA UNION – Adda iti nasayaat nga kondisyon dagiti atleta ti Region 1 para iti Palarong Pambansa a maangay idiay Davao City inton Abril 28, 2019.
Iti pannakiuman ti Bombo Radyo kenni Delia Hufalar, La Union Division School Program Supervisor, siniguro na nga awan iti anyaman a sakit dagiti atleta.
Numan adda ti immuna nga naipadamag a nakaptan ti sakit a tuko manipud iti probinsya ti Pangasinan ket awanen ti sabali pay a rikriknaen dagitoy.
Segun kenni Hufalar physically fit dagitoy ken sineguro da nga adda iti nasayaat a pammagi dagiti players iti nasao nga sporting event.
Dumanon met iti 70 nga delegado ti makipaset iti palaro a pakaibilangan dagiti estudyante manipud iti Elementarya ken Sekondarya.
Kabilang iti pakipasetanda nga ay-ayam dagiti atleta ket archery, futsal, softball, ken wrestling.
