Nakatuding a maawat ita a bulan ti Nobiembre dagiti 1.85-M a REGULAR GOVERNMENT EMPLOYEES ti year-end bonus a katupag ti maysa a bulan a gatad ti sueldo da.
Segun iti Department of Budget and Management (DBM) ket malaksid iti maawat a bonus dagiti regular nga empleyado ti gobierno ket adda pay iti agur-uray a P5k cash gift.
Agdagup ti ₱63.69-B ti intukon ti ahensya para kadagiti sibilyan ken militar kasta met iti ₱9.24-B a para kadagiti cash gifts.
Nakagun-od met ti nagduduma a reaksyon manipud iti publiko iti kabaroan a waragawag ti DBM, nangruna kadagiti Job Order (JO) ken Contract of Service (COS) Workers.
Kas maiyannurot iti linteg ket saan a makaawat dagiti JOs ken COSWs iti kapada a benepisyo manipud iti gobierno gapo iti estado ti trabaho da nga uray pay kasatno dan a kapaot iti serbisyo.
