Inlungalong ni Parañaque 2nd District Representative Brian Yamsuan a maobliga iti regular nga inspeksyon ken maintenance kadagiti infrastructure projects ti gobierno.
Nakapauneg iti House Bill 9780 a panggep ti gakat a masiguro iti kinatalged ken kaledad dagiti imprastraktura ti gobierno-nasyonal, kasta met iti umiso a pannakaaramat iti pondo.
Maibasar iti singasing a gakat, nabilin ti Department of Public Works and Highways (DPWH) a mangisayangkat iti inspeksyon kadagiti proyekto tunggal lima wenno sangapulo a tawen, depende iti resulta ket maplano iti pannakamintinir, panangpapirmis, wenno rehabilitasyon ti aniaman a proyekto.
Maigiddato met daitoy iti Transparency Portal and Integrity Chain nga indatag ti administrasyon Marcos tapno mabantayan iti estado dagiti proyekto ken pondo nga ir-iruar ti DPWH.
