LA UNION – Imbilin ni Presidente Ferdinand Marcos Jr a rugyanen iti rehabilitation ken recovery phase iti Agriculture ken infrastructure.
Daytoy ket kalpasan ti pannakadadael dagiti produkto pang-agrikultura nga imbati ti bagyo ken habagat a napakuyogan iti high tide.
Direktiba ti Presidente iti Department of Agriculture (DA) nga ituloy ti planting season ken panangipaay ti tulong kadagiti apektado a mannalon.
Mainaig iti daytoy, imbaga ti Presidente dagiti lugar a mabalin a pangipatulodan ti bukel ken fingerlings, a masapul a dagus a maited kadagiti maseknan.
Kinunana a kasapulan a tulongan dagiti mannalon ken mangngalap a naapektaran kadagiti makadidigra a kalamidad tapno siguraduen a saanda a mapukawan ti trabaho.
