BR LA UNION – Maiproseson kalpasan nga inaprubaran ni Department of Budget and Management (DBM) Secretary Amenah Pangandaman ti panangipalospos ti aganay P30.409 billion a pondo para iti regular pension requirements dagiti military and uniformed personnel (MUP) para iti umuna a kuarter ti tawen 2025.
Sungbat daytoy iti direktiba ni Presidente Ferdinand “Bongbong” R. Marcos, Jr.
Segun kenni Secretary Pangandaman, ti nasao a kantidad a P30.409 bilyon a pondo ket nakalatang para iti Pension and Gratuity Fund (PGF) iti sidong ti Republic Act (RA) No. 12116 wenno FY 2025 General Appropriations Act (GAA).
Adda pakabuklan a P16.752 bilyon ti nailatang para iti Armed Forces of the Philippines – General Headquarters-Proper ken iti Philippine Veterans Affairs Office iti sidong ti Department of National Defense (DND).
Kabayatanna, aganay P13 billion ti nailatang para kadagiti attached agencies ti Department of Interior and Local Government (DILG) kabilang iti Philippine National Police, Bureau of Fire Protection, Bureau of Jail Management and Penology ken National Police Commission.
Para iti 34 pensioners iti sidong ti National Mapping and Resource Information Authority (NAMRIA) ti Department of Environment and Natural Resources (DENR), nangiruar ni Secretary Pangandaman to pakabuklan nga P8.530 milyon a pondo.
Iti maudi, dagiti funding requirements para iti panagbayad ti pensiyon iti 2,836 retirado nga uniformed personnel ti Department of Transportation (DOTr)-Philippine Coast Guard (PCG) para ket agbalor ti P350.680 milyon.
Ti release ti pondo ket nakabase iti actual a pension payroll nga insumite dagiti nadakamat nga MUP agencies idi Disyembre 31, 2024.
