LA UNION – Mamati ni House Committee on Human Rights Chairman Rep. Benny Abante a saan nga agbalin a patas ni Sen. Ronald “Bato” Dela Rosa nu mangisayangkat ti imbestigasyon ti Senado seknan iti drug war campaign idi Duterte administration.
Impaganetget ni Rep. Abante a ni Dela Rosa ti nagserbi a hepe ti Philippine National Police (PNP) idi panawen ti termino ni sigud a president Rodrigo Duterte.
Maysa pay, ni dela Rosa ket maak-akusaran a karaman iti panaglabsing ti linteg, isunga saan nga agbalin a patas nu iti itud-tudo ti testigo ket isuna a mismo a mangim-imbestigar iti isyu.
Posible pay a maapektaran ti testimonya dagiti resource person nu iti mismo nga idar-darum da, iti agsalodsod seknan iti detalye ti nalabsing a linteg .
Segun met kenni Sen. Dela Rosa, dackel ti posibilidad a dumar-ay iti sigud a Presidente nu isuda ti agimbitar, agsipudta mas komportable iti imbestigasyon ti komite na.
