BR LA UNION – Inyanunsyo ni Tabaco City Mayor Krisel Lagman a pimmusayen ti ama na a ni Albay 1st District Rep. Edcel Lagman iti edad nga 82.
Cardiac arrest wenno atake ti puso iti nakatayan ti mammanday linteg, agarop alas-5:01 ti malem ita nga aldaw Huwebes, Enero 30.
Ni Lagman ket naipasngay idi Mayo 1, 1942.
Nagserbi a minority leader ken naduma-duma a posisyon iti Kamara.
Isuna ti presidente ti Liberal Party agingga a pimmusay daytoy.
Segun kenni Krisel, natay ti ama na, a napalikmutan iti annak na, kakabsat a babbai ken dadduma pay a kameng ti pamilya.
Sumagmamano a gakat a pinutar ni Lagman ket adda pakainaiganna iti panang-prebentar ti adolescent pregnancy, panang-solbar iti child marriage, absolute divorce law, salaknib kontra rape ken sexual abuse, ken pananglaban ti red-tagging.
Inladawan met ni House Speaker Martin Romualdez ni Lagman kas maysa a “passionate and fearless legislator whose presence in the House of Representatives commanded respect.”
