Kinumpirma ni House deputy Speaker ken Cebu Representative Duke Frasco a saan a nagperma isuna ti manifesto of support para kenni Speaker Romualdez iti 20th Congress.
Kinuna ni Frasco a nakapatang nan dagiti kakadwa na ti Kamara, local leaders, ken ti mismo a constituents ken amin da ket nangipeksa ti pagkadismaya ti liderato ni Romualdez.
“On May 14, just two days after the 2025 local elections, I was asked to sign a manifesto supporting the continued leadership of Speaker Martin Romualdez in the 20th Congress. I have not signed the manifesto and after careful reflection, I have decided not to,” inwaragawag ni Rep. Frasco.
Dinakamat na pay ti manamnama a panagkaykaysa a dinadael ti personal nga interes ken panagpolitika.
Impunto ni Frasco ti agtultuloy a panawagan ni Presidente Ferdinand ‘Bongbong’ Marcos Junior para ti panagkaykaysa, stabilidad, ken ti maysa a gobierno a mangipadpadanon ti naisangsangayan a panagbalbaliw.
Mamati ti kongresista a kasapulan a maipakita daitoy ti Kamara, saan laeng a babaen kadagiti singasing a gakat nu di ket para pay kadagiti itantandudo da a liderato. Inlawlawag na a ti desisyon ket saan a para ti dibisyon.
Ad-adu pay kunana ti maaramid a nasayaat ti Kamara ken nasken a kabinnulig ida ti panagrang-ay ti pagilian, saan laeng a ti platform nga agturong ti saan a panagkakainnawatan.
“At this critical time in our nation, I believe we need leadership in the House that unites rather than divides. Leadership that reinforces our shared vision and strenghthens the path forward for our country,” kinuna ni Rep. Frasco.
