Inwaragawag ni House Committee on Public Order and Safety at Manila Representatives Rolando Valeriano a saan a nagtaud idiay Kamara de Representantes dagiti budget insertions nga aganay P60-80B a pondo babaen ti 2025 national budget a saan nga impa-release ni Presidente Ferdinand Marcos Junior.
Panggep ita ni Valeriano a maamwan nu adda nga agpayso dagiti naisingit a pondo nangruna da kunana nga awan met daitoy iti bersiyon ti Kamara, nu ketdi ket impaganetget na nga awan iti iduldulin da ken agtalek isuna a rumuar tu metlaeng ti kinapudno.
Nakikoordinar metten iti mamanday-linteg kenni Budget Secretary Amenah Pangandaman tapno makaala ti pinal a bersyon ti General Appropriations Act (GAA) agsipud ta ditoy a maamwan nu katno a napasamak iti nasao a budget insertions para kadagiti infrastructure projects ti Department of Public Works and Highways.
Sakbayna ket imbatad ti Palasyo ng Malakanyang a ti pondo para kadagiti infrastructure projects ti DPWH ket impasingit laeng ti Kamara ken natalna met iti Department of Budget and Management (DBM) nu dagitoy a budget insertions ket nagtaud idiay Kamara wenno idiay Senado.
