Maysa a Republican lawmaker ti nangikasa iti impeachment kontra kenni United States Defense Secretary Pete Hegseth kalpasan ti agresibo a kampaniana iti gubat kontra Iran.
Inlatag ni Kentucky Rep. Thomas Massie idi Kalman Lunes, Nobiembre 9, dagiti walo nga artikulo ti impeachment a mangak-akusar kenni Hegseth maipapan iti pananideklarana ti gubat nga awan ti autorisasion ti Kongreso ken mangab-abuso iti saadna kas hepe ti Pentagon.
Dagitoy nga artikulo ket naglaon ti maipagarup a panaglabsing ni Hegseth iti 1973 War Powers Resolution, agraman ti panangiramanna kadagiti sibilian ken dagiti operasion militar idiay Yemen ken Venezuela.
Pinaglibakan met ti Petagon dagiti nadakamat nga alegasion ken inawagan ni Massie a “disgruntled congressman.”
Sinuportaran pay ni US President Donald Trump ti sekretariona ken impaganetgetna ti balligi ni Hegseth iti gubat kontra Venezuela ita nga Enero ken ti walo a bulan a gubat kontra Iran.
Nupay addaan ni Hegseth iti suporta manipud ti presidente, inwaragawag met ti sumagmamano a mammanday-linteg ti posibilidad a mangsuporta kadagiti Democrats, agraman ti mosion ni Massie, maibusor iti sekretario.
Iti daytoy a napalabas a lawas, nalpas ti midterm sweep dagiti Democrats iti napalabas nga eleksion gapu iti pannakaupay dagiti botante iti panagngato ti presio ti krudo mainaig iti gubat idiay Iran — banag a nakaigapuan ti impeachment kontra kenni Hegseth.
Mangrugi ni Solons nga agbotos iti impeachment resolution kontra iti nasao a sekretario ita nga umay a Miyerkules.
