Inwaragawag ti International Energy Agency (IEA) a dagos a mairuar dagiti strategic oil reserve ti Asia-Oceania wenno Asya tapno masungbatan ti kinakurang ti supply nga inggubuay ti gyera idiay Middle East.
Dagiti reserba a langis ket dagos a maidiaya kadagiti pagilian ti Asya tapno masukatan dagiti mapukaw a bariles.
Daitoyen ti kadakkelan a panangiruar ti emergency reserves ti pakasaritaan nga inaprobaran dagiti miembro ti International Energy Agency idi Marso 11, 2026.
Nangipeksa metten ti Japan a mangiruar da metlaeng ti 80M bariles ti langis manipud kadagiti emergency reserves da, bayat a dagiti met supply para sadiay Europa ken Americas ket mangrugi paylaeng a mairuar iti ngudo ti Marso.
Tarigagay ti panangiruar kadagiti oil reserves a makaipaay ti “buffer” wenno proteksyon iti sangalubongan a supply tapno maliklikan ti napalaos a panagngato ti presyo na gapo metten iti pangta ti Iran a harangan ti Strait of Hormuz.
