LA UNION – Sumangsango iti kaso a panaglabsing iti RA 9262 wenno Violence Against Women & thier Children ti maysa a retirado nga empliyado ti gobierno idiay ili ti Burgos, La Union.
Nabigbig daytoy a ni Reynaldo Arsetio, 62, addan asawa, residente ti Barangay Dalacdac, iti nasao nga ili.
Immuna ditoy, nangipaulog iti mandamiento de aresto ni Judge Judge Jacinto M. Dela Cruz Jr, ti Regional Trial Court Branch 33, idiay Bauang, La Union nga napetsaan ti Nov. 7, 2018.
Iti agdama ket nakabalod ti suspek iti Bureau of Jail Management & Penology idiay ili ti Bauang kalpasan nga mapaay a makabayag iti naituding na a piyansa nga umabot iti P42,000 para iti temporaryo a pannakawayawa daytoy.
