Sinungbatan ti House Committee on Public Accounts chair a ni Terry Ridon iti Supreme Court ken kinaritna nga unaen nga urnosen iti bukodna a paraangan sakbay a bagaan iti Kongreso maipapan iti kapartak ti impeachment.
Ti maysa a media forum, impalagip ni Ridon iti kangatuan a korte iti mandato ti 1987 Constitution a masapul a marisut dagiti kaso iti uneg ti 24 a bulan manipud iti pannakaipatulod dagiti pleadings.
Inaramid ti mammanday-linteg a pagarigan iti nabayagen a nakabinbin a petision mainaig iti non-contact apprehension policy nga aginggana ita ket awanan pay laeng ti pinal a desision.
Segun kenni Ridon, sakbay a kuestionaran ti SC iti lehislatura gapu iti maipagarup a panagdarasudos kadagiti impeachment complaints, rumbeng a siguraduen pay nga umuna ti korte a suroten dagiti bukodna a deadlines iti panangrisut dagiti kaso.
Linawlawagan ti Kongresista a nupay bigbigenda iti judicial autonomy, agtaltalinaed iti bileg ti Kongreso a bantayan iti Hudikatura kas pset ti checks and balances.
Impaganetget ni Ridon nga addaan nalawag a mekanismo iti gobierno para iti accountability, karaman ti impeachment proceedings ken iti karbengan ti Kongreso nga imbestigaran iti panagusar ti Judicial Development Fund (JDF).###
