Nangipila ti reklamo nga acts of lasciviousness ti singer-actress a ni Rita Daniela kontra iti actor a ni Archie Alemania.
Babaen ti sworn statement na iti Office of the City Prosecutor idiay Bacoor City daitoy Oktubre 30, ket kellat latta kano isunan nga iniggaman ken inungwan ti actor.
Napasamak ti insidente idi Setyembre 8 idi panagtapos ti event a dinar-ayan da.
Segun ti aktres, rugrugi paylaeng ti event ket manmanyaken isunan ni Archie kasta met nga inallukoy na pay nga agiyot da.
Kalpasan daitoy ket dinagadag ti aktor a sumabay ni Rita iti lugan na paawid, nu sadino, ditan a napasamak nga iniggaman ti aktor ti suso ken panang-ungngo na kenni Rita.
Nakatakas ti aktres manipud iti lugan ken intipon na pay iti reklamo amin nga screenshots ti pannarita da.
Nagkiddaw met ti pasensya ni Achie ken kinunana a nakainom laeng daitoy idi napasamak ti insidente.
